Na véspera do Día da Galiza Mártir, o vindeiro sábado 16 de agosto, o Colectivo NÓS organiza a primeira actividade da tempada 2025-26. E non atopamos mellor forma para honrar a memoria das nosas represaliadas e represaliados que recuperando a historia dun dos focos de loita obreira e agrarista máis importantes da nosa comarca.
Convidámosvos ao noso “Roteiro da Memoria: Lavadores, unha historia de loita e represión”, unha viaxe ao pasado da man do historiador Isidro Román.
A ruta dará comezo ás 11:00h dende o emblemático Cruce dos Choróns.
Unha historia que non se debe esquecer
Antes da súa anexión forzosa a Vigo en 1941, Lavadores era un Concello independente, coñecido como a “pequena Rusia” polos represores fascistas. Foi cabeceira de innumerables protestas e un símbolo da loita proletaria que o réxime tentou apagar a través da represión. Pero Lavadores foi tamén o berce de clubs tan senlleiros como o Gran Peña ou o Turista.
Neste percorrido, o historiador Isidro Román guiarános polos lugares máis significativos do antigo municipio, axudándonos a recuperar unha parte fundamental da nosa memoria colectiva.
Xantar de confraternidade
Ao rematar o roteiro, sobre as 14:00h, achegarémonos a xantar ao Restaurante Tapería Eiraben, en Cabral (Avenida de Ramón Nieto, 364).
O prezo do xantar é de 22 euros por persoa e inclúe o seguinte menú:
- Calamares
- Polo crocante con dúas salsas
- Tortillas variadas (diferentes sabores)
- Tequeños
- Croquetas
- Ensalada especial Eiraben (leituga, rulo de cabra, marmelada de arandos, polo, tomate e noces)
- Bebidas (refrescos, auga, viño e cervexas)
- Sobremesa e café
Prezos, Inscrición e Prazos
Atención á seguinte información sobre os prezos e a inscrición:
- Roteiro (Soci@s do Colectivo NÓS): De balde.
- Roteiro (Non Soci@s): 3€ por persoa para a cobertura do seguro de Responsabilidade Civil.
- Xantar: 22€ por persoa (prezo único para socios e non socios).
Para participar no roteiro ou no roteiro con xantar, é preciso cubrir o seguinte formulario de inscrición:
LIGAZÓN AO FORMULARIO DE INSCRICIÓN
⚠️ MOI IMPORTANTE – DATAS LÍMITE ⚠️
- O prazo para anotarse ao xantar remata o martes 12 de agosto.
- O prazo para anotarse só ao roteiro remata o venres 15 de agosto.
Animádevos a participar e a compartir un día de memoria e compañeirismo!
Vémonos o sábado 16!
Saúde e memoria! 💪🏻🩵
